Ballina Kronike FOTO/ Atentati ndaj biznesmenit të njohur në Tiranë, pamjet e para nga...

FOTO/ Atentati ndaj biznesmenit të njohur në Tiranë, pamjet e para nga vendngjarja

Sot rreth orës 21:00 shumë pranë “Pazarit të Ri” në Tiranës, mbeti i plagosur në një atentat me armë zjarri, biznesmeni Pëllumb Gjoka. Burime nga policia shprehen se ngjarja ka ndodhur tek “Pazari i ri”.

DuaLajm.com” ka mundur të sigurojë edhe pamjet e para nga vendngjarja.

Siç mëson “DuaLajm.com” Kleant Musabelliu, 43 vjeç, me detyrë specialist i SHKB-së së burgjeve në Drejtorinë e Përgjithshme, ka plagosur me armë zjarri biznesmenin Pëllumb Gjoka, 46 vjeç, i cili është plagosur në pjesën e këmbës dhe ndodhet jashtë rrezikut për jetën.

Nga hetimet e deritanishme mësohet se djemtë e shtetasve të sipërmëndur janë konfliktuar me njëri-tjetrin dhe shtetasit e mësipërm ishin takuar në zonën e “Pazarit të Ri” për të biseduar në lidhje me konfliktin e ndodhur midis fëmijëve të tyre.

Ndërkohë sipas informacioneve paraprake që “DuaLajm.com” disponon biznesmeni Gjoka ka pak kohë që ka dalë nga burgu pasi është arrestuar në gusht të vitit 2012 me akuzën e “pengmarrjes”.