Ballina Kronike Kapen “mat” në Qafë Thanë turku dhe ukrainasja, ja çfarë iu zbulua...

Kapen “mat” në Qafë Thanë turku dhe ukrainasja, ja çfarë iu zbulua në makinë

Shërbimet e policisë kanë sekuestruar në flagrancë 9 tableta të dyshuara si lëndë narkotike “ekstazi”, të cilat iu gjetën dy shtetasve të huaj që tentonin të kalonin jashtë Shqipërisë në pikën kufitare të Qafë Thanës.

Policia kufitare në bashkëpunim me specialistët për Narkotikët në Drejtorinë Vendore të Policisë Korçë, kanë arrestuar shtetasit: Salih E., 39-vjeç, banues në Stamboll dhe Oksana T., 23-vjeçe, banuese në Odessa Bolgrad, Ukrainë.

Njoftimi i Policisë
“Më datë 17.08.2017, këta shtetas janë paraqitur në dalje të Republikës së Shqipërisë, me mjetin tip “Opel Astra”.

Gjatë kontrollit që shërbimet e Policisë, kanë ushtruar në vijën e dytë, ndaj mjetit me të cilin këta shtetas udhëtonin, iu gjetën e sekuestruan me cilësinë e provës materiale:9 tableta të dyshuara si lëndë narkotike Ekstazi.

Veprimet proceduriale, u kryhen nga specialistët e Seksionit për Narkotikët, në Drejtorinë Vendore të Policisë Korçë.

Materialet në ngarkim të tyre i kaluan Prokurorisë të Rrethit Gjyqësor Pogradec për veprime të mëtejshme, ndërsa mbi ta rëndon akuza: “Prodhim dhe shitje e narkotikëve, kryer në bashkepunim”.