Ballina Aktualitet Automjeti bie nga ura e Milotit dhe përfundon në lum, humb jetën...

Automjeti bie nga ura e Milotit dhe përfundon në lum, humb jetën drejtuesi i mjetit

Një aksident i rëndë sapo ka ndodhur në aksin rrugor Pllanë-Rubik, ku një automjet  tip “Benz” me targa “AA 272 JN” ka rënë nga Ura e Milotit duke përfunduar në lumin Mat.

Burime zyrtare bëjnë me dije se ka humbur jetën një person, i cili dyshohet të jetë drejtuesi i mjetit. Identiteti i viktimës nuk bëhet me dije.

Forca të shumta policie kanë mbërritur në vendin e ngjarjes, dhe pritet një njoftim zyrtar për aksidentin e rëndë.

Ende nuk dihen rrethanat e ngjarjes, ndërsa burime nga policia sqarojnë se mjeti ka qenë duke udhëtuar nga Miloti në drejtim të fshatit Berzanë.

Uniformat blu po punojnë për nxjerrjen e mjetit nga lumi për të parë nëse brenda tij ka persona të tjerë.

Për të marrë lajmet e fundit të “DuaLajm.com”, ndiq edhe faqen tonë në Facebook