Ballina Kronike Lezhë/ Kishte mbjellë kanabis në parcelën me misër, arrestohet pronari i tokës...

Lezhë/ Kishte mbjellë kanabis në parcelën me misër, arrestohet pronari i tokës dhe kryeplaku i fshatit

Në kuadër të kontrolleve në luftën anti-kanabis policia e Lezhës ka zbuluar disa bimë kanabis në mes të një parcelë në mes të misrit, në fshatin Tale dhe ka bërë asgjësimin e 13 bimëve kanabis.

Sipas policisë janë arrestuar shtetasit: Kastriot Lusha, 43-vjeç, pronari i tokës dhe Pjetër Luka, 57-vjeç, banues në Talë, kryeplaku i fshatit, i cili akuzohet për veprën penale “Shpërdorim detyre”

Njoftimi i Policisë

“Gjatë kontrollit të ushtruar në fshatin Tale, në Lezhë, është zbuluar se një parcelë të mbjellë me misër, janë gjetur të kultivuara në mënyrë të çrregullt nëpër parcelë, 13 bimë narkotike me lartësi nga 50-170 cm .

Policia ka vënë në pranga dy persona, Kastriot Luka , 43 vjeç , i cili u arrestua në flagrancë për veprën penale ” Kultivim i bimëve narkotike”, pasi ai ishte pronari i tokës si edhe Pjetër Luka, 57 vjeç , banues në Tale , me detyrë Kryetar i fshatit Tale , për veprën penale “Shpërdorim detyre.

Materialet procedurale në lidhje me këtë çështje i kanë kaluar Prokurorisë së Rrethit Gjyqësor Lezhë , për veprime të mëtejshme.”