Ballina Kronike Makina del nga rruga në aksin Kapshticë-Bilisht, plagosen 3 të rinjtë

Makina del nga rruga në aksin Kapshticë-Bilisht, plagosen 3 të rinjtë

Një aksident rrugor është rregjistruar rreth orës 01:30 të mëngjesit të sotëm në aksin Kapshticë-Bilisht ku mbetën të plagosur tre persona.

Burime policore bëjnë me dije se një automjet tip “Land Rover”, me targa AA 273 MG, me drejtues shtetasin E.M, rreth 28 vjeç, banues në Vranisht-Devoll, ka dalë nga rruga.

Si pasojë e aksidentit ka mbetur i lënduar drejtuesi i mjetit dhe dy pasagjerët, shtetasja I.M., 22-vjeçe, banuese në Bilisht dhe shtetasi N.Xh., 25-vjeç, banues në Koshnicë, Devoll.

Tre të rinjtë janë transportuar në Spitalin e Korçës dhe po marrin mjekimin e nevojshëm, ku mësohet se janë jashtë rrezikut për jetën.

Ndërkohë që grupi hetimor po punon për zbardhjen e rrethanave dhe shkaqeve të aksidentit.