Ballina Kronike Mirditori zihet me fqinjin dhe më pas terrorizon fshatin duke qëlluar me...

Mirditori zihet me fqinjin dhe më pas terrorizon fshatin duke qëlluar me breshëri në ajër, arrestohet

Një 30-vjeçar nga Mirdita është arrestuar nga policia, pasi pas një sherri me fqinjin e ka kërcënuar dhe më pas ka qëlluar me breshëri automatiku në ajër duke terrorizuar fshatin.

Policia bën me dije se është në orët e vona më 6 gusht, ka marrë një telefonatë nga ku është njoftuar se te banesa e shtetasit L.M., 24-vjeç, në fshatin Shtuf, në Kaçinar-Mirditë, një person po qëllon me armë zjarri.

Shërbimet policore kanë mbërritur menjëherë në vendngjarje ku kanë filluar hetimet për zbardhjen e ngjarjes dhe kapjen e autorit, shtetasit Viktor Gjoka, 30-vjeç, i cili pas një konflikti verbal e më pas fizik, për motive të dobëta ka qëlluar me armë fqinjin e tij L.M dhe më pas u largua duke u fshehur.

Në sajë të informacioneve të marra, shërbimet policore kanë bërë të mundur arrestimin e 30-vjeçarit gjatë një operacioni të mirëorganizuar, ku iu sekuestruan nën cilësinë e provës materiale një armë zjarri, automatikm, një krehër dhe 48 fishekë.

Njoftimi i Policisë

“Më datë 06.08.2017, në orët e vona të darkës, është marrë njoftim te Salla e Komandimit Mirditë , se te banesa e shtetasit L.M. 24 vjeç , në fshatin Shtuf , në Kaçinar – Mirditë , një shtetas po qëllon me armë zjarri.

Menjëherë në vendngjarje kanë mbërritur shërbimet policore , ku kanë filluar hetimet për zbardhjen e ngjarjes e kapjen e autorit.

Nga veprimet hetimore të kryera, ka rezultuar se shtetasi V.Gj, 30 vjeç , banues në fshatin Shtuf, në Kaçinar – Mirditë , pas një konflikti verbal e më pas fizik , për motive të dobëta me shtetasin L.M. , ka qëlluar me armë zjarri në afërsi të banesës së këtij të fundit , dhe më pas është larguar duke u fshehur.

Në vijim të një pune policore të bazuar në informata të marra në rrugë policore për lokalizimin e autorit , si dhe një operacioni të mirëorganizuar krehje zone , me datë 07.08.2017, bë i mundur kapja në flagrancë e shtetasit V. Gj, së bashku me armën e zjarrit me të cilën dyshohet se ka qëlluar.

U sekuestruan në cilësinë e provës materiale një armë zjarri automatik, një krehër dhe 48 fishekë.

Shtetasi V.Gj, u arrestua në flagrancë për veprat penale ” Kanosje” dhe “Prodhim dhe mbajtje pa leje e armëve luftarake dhe municionit” parashikuar nga nenet 84 dhe 278 te Kodit Penal.

Materialet proçeduriale i kaluan Prokurorisë së Rrethit Gjyqësor Lezhë për veprime të mëtejshme.”