Ballina Kronike Shkodër/ Makina del nga rruga dhe përfundon në lumin Drin, dyshohet se...

Shkodër/ Makina del nga rruga dhe përfundon në lumin Drin, dyshohet se janë dy persona të bllokuar brenda

Foto ilustruese

Një automjet ka rënë në ujërat e lumit të Drinit orët e para të mëngjesit të sotëm në qytetin e Shkodrës.

Ngjarja ka ndodhur në zonën e njohur si “Ura e Bahçallëkut”, ndërsa mësohet se mjeti ka dalë nga rruga dhe ka përfunduar në lumin Drin.

Policia ka mbërritur në vendngjarje dhe po pritet mbërritja e polumbarëve nga Tirana për nxjerrjen e saj.

Sipas informacioneve të para dyshohet se brenda në automjet ka pasur dy persona, ndërkohë që nuk dihet ende gjendja e tyre shëndetësore.

Dyshohet se shkak i daljes së mjetit nga rruga është bërë terreni i vështirë nga reshjet e dendura të shiut që kanë rënë gjatë mbrëmjes së djeshme.