Ballina Aktualitet Shpërdoruan detyrën, arrestohen 3 punonjësit e Tatimeve (Emrat)

Shpërdoruan detyrën, arrestohen 3 punonjësit e Tatimeve (Emrat)

Tre punonjës kanë përfunduar në prangat e policisë, pasi akuzohet se kanë shpërdoruar detyrën duke shmangur masën administrative një subjekti tregtar, në këmbim të një ryshfeti.

Burime zyrtare nga Policia e Tiranës bëjnë me dije se janë arrestuar shtetasit: Maluen Hoxha., Alban Kapo, Idajet Vrapi.

Njoftimi i Policisë
Seksioni për Krimin Ekonomik-Financiar, finalizon me sukses operacionin e koduar “Pritja”.

Shpërdorojnë detyrën, duke i shmangur masën administrative një subjekti tregtar, në këmbim të ryshfetit.

Arrestohen në flagrancë tre punonjës të Hetimit Tatimor- Tiranë.

Specialistët e Seksionit për Krimin Ekonomik-Financiar, në Drejtorinë Vendore të Policisë Korçë, në bashkëpunim me Prokurorinë Pranë Gjykatës së Shkallës së Parë Korçë, kanë finalizuar operacionin e koduar “Pritja” si rezultat i të cilit u bë arrestimi në flagrancë i shtetasve:

• Maluen Hoxha, 30 vjeç, banues në Tiranë,

• Alban Kapo, 28 vjeç, banues në Durrës,

• Idajet Vrapi, 28 vjeç, banues në Durrës, të tre me detyrë punonjës të Hetimit Tatimor pranë Drejtorisë së Përgjithshme të Tatimeve Tiranë.

Këta punonjës në bashkëpunim me njëri-tjetrin, dyshohet se kanë shpërdoruar detyrën, pasi kundrejt një shume prej 30.000 lekë, kanë favorizuar një subjekt tregtar në qytetin e Korçës, duke i shmangur masën administrative.

Hetimet po vijojnë.

Materialet i kaluan Prokurorisë të Rrethit Gjyqësor Korçë për veprat penale bazuar në nenet 248/25 dhe 259/25 të Kodit Penal.