Ballina Kronike I vendosin tritol poshtë makinës, durrsaku me “fat” i shpëton atentatit. Bllokohet...

I vendosin tritol poshtë makinës, durrsaku me “fat” i shpëton atentatit. Bllokohet tërësisht aksi Durrës-Shijak

Një ngjarje e rëndë ka ndodhur sot në zonën e Rrashbullit në qytetin bregdetar të Durrësit.

Një automjeti i është vendosur eksploziv ditën e sotme. Burime nga policia shprehen se pronari i makinës tip “Benz” ngjyrë gri e ka pikasur lëndën plasëse dhe ka zbritur menjëherë nga makina. Më pas ai ka lajmëruar policinë e cila ka shkuar në vendngjarje. 

Blutë e Durrësit kanë rrethuar zonën rreth makinës ndërsa mësohet se është bllokuar dhe aksi rrugor Durrës-Shijak.

Ndërkohë, për në vendngjarje janë nisur dhe forcat xheniere, të cilat do të punojnë për   heqjen e lëndës plasëse dhe për të kryer shpërthimin e kontrolluar.