Ballina Kronike VIDEO/ Vërshimi i Vjosës bllokon furgonin e policisë, si iu rrezikua jeta...

VIDEO/ Vërshimi i Vjosës bllokon furgonin e policisë, si iu rrezikua jeta 4 efektivëve

Një situatë e pazakontë ka ndodhur në qytetin e Fierit, ku rrjedha e lumit Vjosë ka bllokuar një furgon të policisë, ku brenda tij ndodheshin 4 efektivë të Policisë së Shtetit.

Pamjet aspak të zakonta janë filmuar në fshatin Ferras të Fierit, ku situata paraqitet më e rënduar.

Në këtë zonë niveli i ujit ka arritur mbi 1 metër. Forcat e Armatosura kanë ndërhyrë për nxjerrjen e mjetit dhe punonjësve të policisë.

Njoftimi i Policisë
Në datën 02.12.2017, në orën 07:00, ujrat e lumit Vjosë kanë dalë nga shtrati, janë përhapur në tokat e fshatit Çerven dhe po përhapen në tokat e fshatit Ferras. Si pasojë rruga e vjetër është e mbuluar me rreth një metër ujë në segmentin “Kthesa e Qarrit”-“Ura e Mifolit”. Në këtë segment është bllokuar edhe një mjet i shërbimit të patrullës së përgjithshme me tre punonjës policie.
Po merren masa për nxjerrjen e mjetit dhe punonjësve të policisë me mjetet e FA.

Për të marrë lajmet e fundit të “DuaLajm.com”, ndiq edhe faqen tonë në Facebook