Ballina Kronike Zbardhet e kaluara e biznesmenit që i shpëtoi sot atentatit në Tiranë

Zbardhet e kaluara e biznesmenit që i shpëtoi sot atentatit në Tiranë

Sot ndodhi një ngjarje e rëndë në kryeqytet ku mbeti i plagosur në një atentat me armë zjarri, biznesmeni Pëllumb Gjoka. Burime nga policia shprehen se ngjarja ka ndodhur tek “Pazari i ri”.

Sipas informacioneve të para që “DuaLajm.com” disponon biznesmeni në fjalë ka pak kohë që ka dal nga burgu pasi ai është arrestuar në gusht të vitit 2012 ku mësohet se biznesmeni i plagosur ka marrë një person peng.

Personi që biznesmeni Gjoka ka marr peng i kishte disa lekë borxh dhe nuk i’a kishte kthyer në kohë duke e detyruar biznesmenin që të bënte vetëgjyqësi, e cila nuk do të zgjaste për shumë kohë pasi shërbimet e policisë arritën ta arrestonin ndërsa Gjykata e Tiranës e dënoi me 4 vite burg. 

NJOFTIMI I POLICISE

Më datë 11.09.2017, rreth orës 21 :00 në numrin e Emergjencave 112, ka ardhur telefonatë për plagosje me armë zjarri tek “Pazari i Ri”. Në vendngjarje kanë mbërritur shërbimet e policisë dhe ambulanca, ku nga hetimet paraprake ka rezultuar se:

Shtetasi P.Gj., pas një konflikti është qëlluar në pjesën e këmbës me armë zjarri nga shtetasi K.M., 40 vjeç, banues në Tiranë.
Shtetasi i dëmtuar është transportuar në spital dhe është jashtë rrezikut për jetën. Autori i plagosjes, shtetasi K.M., 40 vjeç është arrestuar nga policia dhe është shoqëruar në ambientet e policisë për veprime të mëtejshme. Po punohet për zbardhjen e motiveve dhe rrethanave të ngjarjes.