Ballina Kryesore Banorët e Astirit tubohen para Parlamentit, reagon Rama: Opozita udhëheq protestën më...

Banorët e Astirit tubohen para Parlamentit, reagon Rama: Opozita udhëheq protestën më të turpshme

Banorët e Astirit do të vijojnë protestën e tyre sot para Kuvendit të Shqipërisë duke kundërshtuar  me forcë prishjen e banesave të tyre pa marrë më parë një dëmshpërblim me vlerë të plotë për banesat e tyrre, të cilat janë piketuar për t’u prishur nga projekti i “Unazës së Madhe”.

Forcatë shumta policore kanë rrethuar godinën e Parlamentit për të qëndruar në gatishmëri, në rast se situata mund të degradojë.

Rreth Parlamentit është krijuar edhe një kordon policie me qëllim ruajtjen e institucionit, pasi në Kuvend sot do të diskutohet buxheti 2019.

Ashtu siç kishte paralajmëruar kryeministri Edi Rama ka folur sot në parlament për protestën tek Unaza e Re kundër prishjes së banesave e bizneseve për t’i hapur rrugë ndërtimit të Unazës së Madhe.

Rama tha se opozita po udhëheq protestën më të turpshme në mbrojtje të ndërtimeve të paligjshme kundër interesit publik.

Ai e nisi me projektbuxhetin që diskutohet sot në parlament duke folur për bojkotin e opozitës.

“Opozita mungon jo vetëm fizikisht por mungon dhe figurativisht. Asnjë mbledhje publike në asnjë hotel për buxhetin sa për të larë gojën të paktën, asnjë amendament i dërguar në kuvend sa për të larë duart të paktën. Asnjë lloj shenje jete tjetër lidhur me debatin më të rëndësishëm parlamentar të vitit. Nëse nuk i llogarisim ato kapjet e veshit mbrapsht të zonjës Tabaku një herë në muaj e cila e di dhe vetë se nuk di çfarë flet kur lexon tekstet kadrioteske të partisë, kontributi ka qenë meritë e Kadri Vasilit. S’kemi ç’bëjmë jemi të dënuar ta udhëheqim vendin pa opozitë as dhe kur diskutohet buxheti në Kuvend. Ndërkohë që opozita udhëheq protestën më të turpshme të vendin, në mbrojtje të ndërtimeve të paligjshme kundër interesit publik”, deklaroi kryeministri.

LEXO EDHE:  LIVE/ Kryeministri Rama mbledh grupin e PS për projekt-buxhetin 2018

Ai tha se nuk ka bërë kurrë vaki një protestë e tillë që kur nisi epoka e prishjeve masive në parkun Rinia në Tiranë.

“Buxheti i ri, 440 dollarë për beben e parë, 800 për beben e dytë, 1200 për të tretin e më tej. 1600 për binjakët dhe 2400 dollarë për trenjakë. Totali miliona e miliona dollarë që për herë të parë vihen në dispozicion të nënës e familjes. Një politikë e re sociale, shumë vite pas bonusit të bebes, vetëm 5 mijë lekë të reja që u vendos nga bashkia e Tiranës që kur s’mbahet mend dhe mbeti si detyrim por rëndom i paplotësuar. Në 2014 shlyem 5 mln dollarë borxhe të pashlyera nga qeverisja e mëparshme. Kjo është një politikë e re që merr jetë falë mundësive të reja që janë krijuar nga reformat e dhimbshme dhe rritjes së kontributeve. A ke njeri normal dhe me një minimum morali qytetar që të thotë se këto dhjetëra miliona dollarë s’duhet t’i marrim 30 mijë familje për bebet por duhet ti marrin zaptuesit e tokave”, u shpreh Rama.