Ballina Kryesore Deklarata e fortë e ish-aleatit të Ramës në Ditën e Pavarësisë: Shumë...

Deklarata e fortë e ish-aleatit të Ramës në Ditën e Pavarësisë: Shumë shpejt nis pastrimi i politikës shqiptare, dosjet janë gati

Teksa ka uruar 105-vjetorin e Pavarësisë së Shqipërisë, avokati Spartak Ngjela ka bërë një paralajmërim të fortë me anë të një statusi në “Facebook”.

Duke marrë shkas nga arrestimi i ish-ministrit të Brendshëm të Maqedonisë, Ngjela theksoi se shumë shpejt do të fillojë edhe në Tiranë pastrimi antikorrupsion i politikës dhe i organeve të drejtësisë.

Ndër të tjera, kreu i Partisë Ligj dhe Drejtësi u shpreh se dosjet janë bërë gati,

Postimi i Ngjelës
105 vjetori i Pavarësisë së Shqipërisë çeli derën e Shqipërisë territoriale.
Gëzuar!
Filloi në Maqedoni procesi i arrestimit të korrupsionit dhe histerisë antishqiptare.
Sot u arrestua ministri i Brendshëm. Në këtë rrugë është edhe ish kryeministri Gruevski: këta janë dy antishqiptarët e mëdhenj kundër gjuhës shqipe në Maqedoni.
Edhe procesi i të drejtës së Çamërisë sapo ka nisur, do ta dëgjoni.
Sot shqiptarët janë me dy shtete në Ballkan, dhe procesi po ecën drejt territoreve të tjera shqiptare. Vetëm shqiptarët e garantojnë interesin amerikan në Ballkanin Perëndimor.
Politika amerikanë po e çon deri në fund angazhimin e saj për të drejtat e shqiptarëve.
Shqipëria territoriale tani ka kohën e vet; ajo është rreth 70 mijë km2 sot. Dhe kudo po flitet shqip.
Bashkimi shqiptar është tani kusht historik, por pengesa kryesore e kësaj politike amerikane është korrupsioni shqiptar.
Shpejt fillon dhe në Tiranë pastrimi antikorrupsion i politikës së lartë dhe i organeve të drejtësisë.
Dosjet janë bërë gati.
Angazhimi amerikan për shpëtimin e shqiptarëve nga shtypja genocidialë në territoret shqiptare të pushtuara, dhe nga korrupsioni në Shqipëri është i pakthyeshëm.
Arbëria do shkojë domosdoshmërisht të kufijtë e saj territorialë.
Ky është kusht historik i pashlyeshëm sot.
Prisni dhe shikoni!
Gëzuar të gjithëve festën e madhe të pavarësisë.

LEXO EDHE:  Fotoja e Ramës me Trump, shpërthen Spartak Ngjela: O pafille, shqiptarët s'janë indianë

Për të marrë lajmet e fundit të “DuaLajm.com”, ndiq edhe faqen tonë në Facebook