Ballina Aktualitet Detajet e para/ Plumba banesës së shefit të Qarkullimit Mirditë, Policia rrethon...

Detajet e para/ Plumba banesës së shefit të Qarkullimit Mirditë, Policia rrethon zonën

 

Pas incidentit të ndodhur në orët e para të mëngjesit të ditës së sotme, policia e Lezhës ka ngritur pika kontrolli në gjithë zonën, me qëllim arrestimin e autorëve që qëlluan me breshëri armësh në drejtim të banesës së shefit të Qarkullimit të Mirditës, Gjovalin Toma, 53 vjeç.

Ngjarja ka ndodhur rreth orës 01:43 në Ishull Shëngjin në Lezhë.

Forcat e Policisë kanë mberritur mënjëherë në vendngjarje dhe kanë nisur hetimet  . Policia e Lezhës sqaron se “Janë ngritur pika kontrolli si dhe po bëhet krehja e zonës me qëllim kapjen e autorëve të kësaj ngjarjeje”.

Informacioni i policisë 
Me datë 23.09.2017, rreth orës 01:43, është marrë njoftim se është qëlluar me armë zjarri në drejtim të banesës së shtetasit Gj.T. 53 vjeç, banues Ishull Shëngjin në Lezhë, me detyrë shef i Seksionit të qarkullimit rrugor në Komisariatin e Policisë Mirditë.

Për pasojë nuk ka pasur të lënduar në njerëz vetëm dëme materiale. Në vendngjarje menjëherë kanë mbërritur grupi hetimor në bashkëpunim me Prokurorinë e Rrethit Gjyqësor Lezhë, që po hetojnë për zbardhjen e ngjarjes dhe identifikimin e autorëve.

Janë ngritur pika kontrolli, si dhe po bëhet krehja e zonës me qëllim kapjen e autorëve të kësaj ngjarjeje.

Për të marrë lajmet e fundit të DuaLajm.com, ndiq edhe faqen tonë në Facebook