Ballina Kryesore DOKUMENTI/ Masakra e 2 prillit ’91, zbulohet urdhri i frikshëm i Gramoz...

DOKUMENTI/ Masakra e 2 prillit ’91, zbulohet urdhri i frikshëm i Gramoz Ruçit: Qitësit të zenë lartësitë, goditni ashpër!

Zgjedhja si kryetar i Kuvendit e Gramoz Ruçit është shoqëruar me shumë polemika dhe debate të shumta në politikë por dhe në opinionin publik, për shkak të së kaluarës së deputetit socialist në komunizëm.

Gramoz Ruçi ka qenë ministër i Brendshëm në kohën e masakrës së 2 prillit të vitit 1991 në qytetin e Shkodrës.

Për një pjesë të gjerë të opinionit publik që është antikomuniste, Ruçi përben një “njollë” të regjimit të ashpër diktatorial.

Menjëherë pas zgjedhjes së tij në krye të parlamentit, Gramoz Ruçi është akuzuar nga ish-të përndjekurit si përgjegjës në masakrën e 2 prillit të vitit 1991 si dhe përfshirje në krimet të rënda nën emblemën e regjimit koumunist.

Sipas tyre thuhet madje që prej vitit 2005, Ruçit i është ndaluar hyrja në Shtetet e Bashkuara të Amerikës.

Së fundmi është zbuluar një dokument i brendshëm për forcat e policisë dhe të Sigurimit, i firmosur nga Gramoz Ruçi, në atë kohë ministër i Brendshëm, në lidhje me trazirat në shkodër pas zgjedhjeve të 31 marsit 1991.

“Për të vepruar me forcën e shkopit nuk ka askush arsye të pyes përgjegjësin. Goditni ashpër qysh në fillimet e grumbullimeve. Për të paralizuar ata që nga turmat mund të godasin me armë forcat tona, zini lartësitë dominuese me qitës të përgatitur, forcat tona që përleshen me protestues mos shkojnë të armatosura”, shkruhet në urdhrin e brendshëm të 4 prillit 1991 të firmosur nga Gramoz Ruçi, kur ka qenë ministër i Brendshëm

Për të marrë lajmet e fundit të “DuaLajm.com”, ndiq edhe faqen tonë në Facebook