Ballina Kryesore Fatos Nano për takimin me Edi Ramën: Nuk keni parë asgjë akoma!

Fatos Nano për takimin me Edi Ramën: Nuk keni parë asgjë akoma!

Në kulmin e fushatës elektorale dhe në momentet kur tensionet mes Partisë Socialiste dhe Lëvizjes Socialiste për Integrim kanë arritur një pikë kulmore, Fatos Nano është rikthyer befas në vëmendjen politike, e kjo për shkak të një takimi kokë më kokë të zhvilluar me kryeministrin Edi Rama pasditen e sotme në qytetin e Durrësit.

Me anë të një mesazhi që ka mbërritur në redaksitë disa mediave, përfshi edhe “DuaLajm.com”, vetë Fatos Nano ka sqaruar shkurtimisht temën e takimit të tij me Edi Ramën. “Nuk bëhet fjalë për çështje timoni, por destinacioni. Nuk keni parë gjë akoma”, – shkruan Nano në mesazhin e tij, të shpërndarë në formë reagimi.

Ish-kryetari i PS Fatos Nano, duke folur gjate emisionit Opinion te gazetarit Blendi Fevziu ne TV KLAN, ku ka treguar jeten e tij. Kjo eshte pjesa e dyte e nje interviste marre ne shtepine e tij ne Tirane.

Dy janë detajet që mund të kuptohen nga ky reagim i Nanos. Fakti që ai përmend “timonin” dhe “destinacionin” duket se ka ndërmend të angazhohet në fushatë indirekt ose direkt për të mbështetur PS-në. Dhe për më tepër që i referohet një shprehje të Ramës duket se ka zgjedhur të mbështetë këtë të fundit në “betejën” me Metën.

Metafora e timonit është kthyer në kryefjalën e replikave në distancë mes PS dhe LSI, e kjo për shkak të kryeministrit Rama i cili hapur kërkon në fushatë të paktën 71 mandate për të “drejtuar i vetëm timonin e qeverisë pa të tjerë në prehër”.

“DuaLajm.com” mësoi sot se në vilën qeveritare në Durrës, rreth orës 17.30 të pasdites ish-kryeministri Fatos Nano dhe kreu i ekzekutivit zhvilluan një takim kokë më kokë që zgjati për afro dy orë.