Ballina Kronike Gjyqi ndaj Shullazit, Prokuroria thërret 38 dëshmitarë, mes tyre dhe Tahirin dhe...

Gjyqi ndaj Shullazit, Prokuroria thërret 38 dëshmitarë, mes tyre dhe Tahirin dhe Nikollën

Prokuroria e Krimeve të Rënda ka kërkuar që të thirren 38 persona si dëshmitar në gjyqin ndaj Shullazit, ndër ta dhe ish ministri i Brendshëm Saimir Tahiri, ish ministrja e Arsimit, Lindita Nikolla, kreu i policisë Haki Cako, ish rektori Dhori Kule dhe rektori i Universitetit të Tiranës Mynyr Koni. 

Ata priten që të japin dëshmitë e tyre për çështjen e shumëpërfolur “Shullazi”.

Emiliano Shullazi dhe katër anëtarët e tjerë të grupit, akuzohen për disa vepra të rënda penale që nga gjobëvënia e deri te kërcënimi për jetën.

Emiliano Shullazi, Gilmando Dani, Blerim Shullazi, Endrit Qyqa dhe Endrit Zela akuzohen nga prokuroria per gjobëvënie ndaj 3 biznesmenëve dhe shkatërrim prone me eksploziv.

Gjithashtu Shullazi akuzohet edhe për kërcënimin e dy akademikeve, Dhori Kule dhe Mynyr Koni.