Ballina Aktualitet “Haja dru çdo ditë”, këngëtarja e njohur rrëfen tmerret e dhunës së...

“Haja dru çdo ditë”, këngëtarja e njohur rrëfen tmerret e dhunës së ushtruar nga ish-i dashuri

E ftuar në emisionin “Oktapod”, këngëtarja e njohur shqiptare, Gerta Heta ka rrëfyer një histori shokuese, se si i dhunohej fizikisht e kërcënohej nga ish-i dashuri i saj.

Ajo tregoi se për 6 muaj me rradhë ishte dhunuar sistematikisht dhe kishte pasur frikë t’i tregonte prindërve për shkak të kërcënimeve të ish-të dashurit.

“Lidhja ime e parë ka qenë me një person të dhunshëm dhe vuaja nga dhuna fizike. Haja dru çdo ditë. Isha 18 vjeç dhe nuk guxoja t’i thoja njeriu se më bënte presione. ‘Do t’i thyej këmbët vëllait tënd’, thoshte. Unë kisha frikë t’u tregoja edhe prindëve.

Pas 6 muajsh dhune sistematike i thashë prindërve dhe arrita të largohesha nga ai njeri. Në plazh prindërit më panë me njolla të zeza në trup dhe aty u detyrova fola. I thashë prindërve që kisha nevojë për ndihmën e tyre që mos të më linin vetëm.

Prindërit m’u gjetën jashte mase afër. 1 vit të tërë ata më sillnin, më prisnin në shkollë. Ai më përndiqte, vinte tek shkolla, shkruante tek muret ‘Gerta të dua, më fal’.

Ai ishte 5 vjet më i madh se unë. U largua vetëm kur i kam çuar policinë në shtëpi”, tregoi Gerta.

Për të marrë lajmet e fundit të “DuaLajm.com”, ndiq edhe faqen tonë në Facebook