Ballina Kryesore Meta sulmon ashpër Ramën dhe: I njoh sa trima janë, njëri veshi...

Meta sulmon ashpër Ramën dhe: I njoh sa trima janë, njëri veshi fustan grash kur iku në Greqi

Presidenti i sapozgjedhur Ilir Meta ka lëshuar një lumë akuzash dhe kërcënimesh për kryeministrin Rama, me të cilin ai bashkëqeverisi për 4 vite, ndërsa shigjetoi edhe greun e grupit parlamentar të PS-së, Gramoz Ruçin.

Nga Fushë-Kruja, Meta me ironi tha se të dy këta personazhe i njeh shumë mirë dhe sesa trima janë. Meta tha se Ruçi u arratis në 1996 në Greqi, veshur me fustane grash.

“Dua ti them që ti thërrasi mendjes përpara se të jetë vonë. Nuk vë dot dorë ai mbi votën e të rinjve dhe të rejave të Shqipërisë. As ia dhe as ai tjetri që në 96 u arratis në Greqi me fustan grash.  E di mirë unë trimërinë e atyre burracakëve që bëjnë si të fortë vetëm kur kanë kryetar bandash rreth vetes.”, tha Meta duke iu drejtuar Ramës dhe Ruçit.

“Si ka dalë dopingu (Ramës). Nuk vë dot dorë ai mbi të drejtat e të rejave dhe rinjve të Shqipërisë. As ai dhe as ai tjetri që u arratis në ’96 në Greqi, me fustan grash. E di mirë forcën e tyre unë, trimërinë e tyre. Fundi i Janukoviçit të Ukrainës do ju duket lule”, deklaroi Meta.