Ballina Aktualitet “Ne nuk jemi skllevër, i kërkova 5 lekë ministres por ajo…”, aktori...

“Ne nuk jemi skllevër, i kërkova 5 lekë ministres por ajo…”, aktori i madh shqiptar mesazh të fortë Mirela Kumbaros

Aktori i madh shqiptar, Robert Ndrenika, ka reaguar kundër projekt-ligjit të propozuar nga Ministrja e Kulturës, Mirela Kumbaro, në të cilin parashtrohen disa ndryshime të rëndësishme për Artin dhe Kulturën.

Ndrenika i është bashkuar protestës që është zhvilluar kundër projekt ligjin, ndërsa në një intervistë para mediave theksoi se Tiranës i takon një teatër serioz dramatik, ashtu sikundër ka në çdo kryeqytet të vendeve të Ballkanit dhe më gjerë.

“Plot shumë vite më parë edhe PPSH thoshte do bëjmë një teatër, por ky teatër nuk u bë. Edhe këto 27 vjet është folur se do të bëhet një teatër,  por nuk ka patur pikë transparencë. Ajo që di unë është se prona e jonë, Teatri aktual, është një sipërfaqe 6-7 mijë metra katror, i cili është vjedhur dhe po vidhet  sheshit, në mënyrë të hapur.

E kam thënë edhe e them që të gjithë kryeqytetet e Ballkanit kanë Teatro Kombëtare dhe teatri bëhet njëherë në 500 vjet. Sot mund të ketë nga ata që thonë: e mo, çjanë këto, këto s’dimë të aktrojmë, por nuk mendohet se Shqipëria do mbetet pa aktorë.  

Këtu po bëhen kisha dhe xhamia dhe nuk bëhet një Teatër. i thashë dikujt shiko çfarë xhamie është bërë, dhe më tha se atë po e bën Erdogani. Shumë mirë, sepse teatri duhet ta bëjë shteti shqiptar, sepse teatri është kisha dhe xhamia e shqiptarëve. Vajtëm dhe pamë atë godinën te turbina. Ajo godinë është vetëm për fushatë elektorale, por jo për teatër.

Ajo fjala që i kam thënë ministreshës se unë do shtrihem te turbina dhe ajo që e ktheu me ironi po le të vijë të aktrojë në skenë, duket se ka qenë një fjalë me mend. Ne nuk do të lejojmë që të prishet Teatru, ndërsa  për TOB-in të mos guxohet t’i qaset. Dhe një gjë, mos kini shumë shpresë te këto analistët e mëdhenj që dalin në televizione,  sepse para 20 vitesh ato u bënë me atë ministren e asaj kohe.

LEXO EDHE:  Nata e Bardhë e Tiranës, Edi Rama prezanton risitë në Sheshin Nënë Tereza (VIDEO)

Kur i kërkova ministreshës të na jepte ca para për lapidarin e Spahivoglit, nuk më dha as 5 lekë për këtë lapidar. Kam edhe të tjera për të thënë, por tani nuk më kujtohen, pasi më vijnë kur jam në krevat, në ëndërr. Edhe një gjë! Kemi aktorë të mrekullueshëm dhe paguhen për një kafshatë bukë. Kur të vënë litarin e bukës, ai është më i tmerrshmi nga të gjitha”, deklaroi aktori i madh shqiptar, Robert Ndrenika.

Për të marrë lajmet e fundit të “DuaLajm.com”, ndiq edhe faqen tonë në Facebook