Ballina Kryesore Ngjela: Mua nuk më bën kush ministër, ja pse e sulmoj Ramën

Ngjela: Mua nuk më bën kush ministër, ja pse e sulmoj Ramën

Avokati i njohur shqiptar, Spartak Ngjela, i ftuar në emisionin televiziv “Dritare me Rudinën”, ka mohuar zërat që flasin për të se sulmon Ramën ngaqë nuk e bëri ministër Drejtësie.

Ngjela tha se kjo gjë nuk është e vërtetë dhe se nuk ka asgjë personale me Ramën. Ai thekson se Ramën po e sulmon për faktin se po i bën dredhi reformës në drejtësi.

“Mua nuk më bën kush ministër. Se të më bësh ministër Drejtësie mua, duhet të bësh marrëveshje të cilat janë të komplikuara. Si fillim unë duhet të merrja garanci, që nuk ishin të korruptuar. Nuk kam pasur asnjë lloj bisede për këtë temë. Nëse do të kishte ndodhur, do të ishte bërë çdo gjë publike”, tha Ngjela.

Ndërsa shton se nuk është problem pse nuk u bë ai ministër i Drejtësisë, por pse u bë një grua anonime: “Aty kërkojeni sekretin”, u shpreh Ngjela.