Ballina Kryesore Një tjetër kandidat i PD-së tërhiqet nga gara

Një tjetër kandidat i PD-së tërhiqet nga gara

SHPËRNDAJE

Kandidati për deputet i Partisë Demokratike, Helidon Bushati, i cili ishte i katërti në listën e PD-se  është dorëhequr nga lista e PD-së. Bushati ka njoftuar tërheqjen e tij nëpërmjet një statusi në FB.

Bushati nuk jep shumë detaje për arsyet e tërheqjes, por thotë se këtë e bën “për ti hapur rrugën një maksimalizimi te rezultatit te Partisë Demokratike në këto zgjedhje”.

Një ditë më parë nga lista e PD në Shkodër u tërhoq edhe kandidati Ramiz Cobaj, i cili renditej i teti.

Postimi i Helidon Bushatit në rrjetin “Facebook”

“Të dashur miq. Jam fort i privilegjuar, dhe i nderuar që zoti Basha me bëri pjesë të ekipit të tij, dhe akoma më shumë ndihem nën përgjegjësi, për këtë rol që më është ngarkuar.

Pikërisht, nisur nga këto detyrime që ndjej, duke analizuar rrethanat politike e specifike të Qarkut të Shkodrës, kam vendosur të tërhiqem nga lista, ku unë gëzoj një vend të sigurtë fitues, i renditur i katërti, për ti hapur rrugën një maksimalizimi te rezultatit te Partisë Demokratike në këto zgjedhje.

Unë besoj se politika nuk është vetëm të marrësh, por edhe të japësh. Po e bëj këtë hap, për interesin më të mirë të demokratëve, para të cilëve, dhe para qytetarëve të Shkodrës, do të jem gjithnjë në shërbim. FITORE!”

Comments

comments