Ballina Kryesore Rama e pranon: Ka drejtues policie të përfshirë në veprimtari kriminale, por…

Rama e pranon: Ka drejtues policie të përfshirë në veprimtari kriminale, por…

Në aktivitetin e organizuar me rastin e 105-vjetorit të krijimit të Policisë së Shtetit, kryeministri Rama është treguar tepër i rreptë ndaj tyre, ashtu si në kohët e fundit me prokurorët dhe gjykatësit.

Rama pranon se në Policinë e Shtetit ka dhe drejtues të përfshirë në veprimtari kriminale, ndërsa shton se procesi i spastrimit të tyre ende nuk ka përfunduar.

“Në vitin 2017 policia shqiptare sekuestroi nga organizatat kriminale 40 milionë euro pasuri. Të gjitha këto nuk duan të thonë se drejtues të policisë nuk janë përfshirë në veprimtari kriminale me trafikantët e drogës. Të gjitha këto nuk duan të thonë se spastrimet është një proces i përfunduar. Ne jemi absolutisht të sigurt që edhe spastrimi i domosdoshëm është jetik dhe do ta realizojmë me sukses të plotë.
Prandaj brenda 100 ditëve të para të këtij mandati kemi përfunduar hartimin e bazës ligjore për të transformuar në ligj vetingun në Policinë e Shtetit. Vetingu do të bëjë të mundur largimin e të gjithë drejtuesve dhe efektivëve të përfshirë në veprimtari kriminale apo me burime të pajustifikuara të policisë të akumuluar në këto vite. Kjo do të jetë baza e mandatit tonë të dytë”, u shpreh Rama.

Për të marrë lajmet e fundit të “DuaLajm.com”, ndiq edhe faqen tonë në Facebook