Ballina Kryesore Rama replikon ndaj PD-së : Merren me veshjen time se nuk kanë...

Rama replikon ndaj PD-së : Merren me veshjen time se nuk kanë punë tjetër

Në një takim elektoral me banorët e Klosit, Kryeministri Rama deklaroi përpara pjesëmarrësve se ai nuk është magjistar që t’i bënte të gjitha brenda 44 muajve.

“Ne mund të vazhdojmë të themi përsëri shifra të vërteta. Shumë thonë se po shohim që po bëhen punë të mëdha. Po kur do vij tek unë kjo punë. Nuk dua të jusftifikohem me këto thënie të njerëzve. Po ti kisha bërë këto që duheshin bërë në 27 vit, do më kishin marrë për problemet e Hënës. Por unë nuk shquhem për magji, se nuk jam magjistar”, tha Rama.

Gjithashtu Rama replikoi dhe ndaj opozitës, e cila komentoi veshjen e kryemistrit gjatë Samitit të NATO-s në Bruksel.

“Merren me veshjen time . Nuk shqetësohen për kostumin. Gjithë jetën duke u marrë se si vishet tjetri. Këtë punë kanë bërë. Merren me flokët e gjata, i ka te gjata flokët ky. Ka lakra në kokë. Edhe Saliu e di që brenda vetes në këto 44 muaj ne kemi bërë shumë”, shtoi Rama.