Ballina Kryesore Rritja e çmimit të ujit/ Vasili i përgjigjet “dhëmbë për dhëmbë” Bashës:...

Rritja e çmimit të ujit/ Vasili i përgjigjet “dhëmbë për dhëmbë” Bashës: Po vazhdon të vjellësh çorbën e gëlltitur në 18 maj

Pasi pak më parë lideri i PD-së sulmoi LSI-në, ka ardhur dhe reagimi i këtyre të fundit, lidhur me vendimin e Këshillit Bashkiak për rritjen e çmimit të ujit të pijshëm.

Ish-kreu i LSI-së, Petrit Vasili me anë të një statusi në “Facebook” shkruan se “Marrëveshja e turpit” e 18 majit Rama-Basha vijoi dhe dje në Bashkinë e Tiranës.

Vasili akuzon Bashën se po vjell çorbën që gëlltiti në 18 maj, duke dëmtuar rëndë interesat e qytetarëve të thjeshtë.

Mesazhi i Vasilit

“Marrëveshja e turpit” e 18 majit, Basha-Rama, që shkatërroi zgjedhjet e 25 qershorit, vazhdoi edhe dje në bashkinë e Tiranës.
PD tundi dynjanë se gjoja nuk do të shkonte në mbledhje të këshillit bashkiak, ndërsa në realitet shkoi, sepse u shit për kreditë e shtëpive të miqve e klientëve dhe legjitimoi rritjen e çmimit të ujit dhe koncesionit të shkollave.
Çorba e gëlltitur në 18 maj nga PD dhe Basha, vazhdon të villet përditë duke dëmtuar rëndë interesat e qytetarëve të thjeshtë, siç u bë bashkëfajtore në blerjen dhe vjedhjen e votës edhe në 25 qershor.