Ballina Kryesore Seanca e pasdites, Paloka zbulon planin e PD: Nëse Gramoz Ruçi do...

Seanca e pasdites, Paloka zbulon planin e PD: Nëse Gramoz Ruçi do të bëhet kryetar i Kuvendit me votat e PS, ne…

Pasi seanca e parë plenare e Kuvendit të ri u mbyll duke zgjatur vetëm pak minuta, në seancën e orës 18:00 pritet votimi i Gramoz Ruçit për kryetar Kuvendi.

Pasi PD është shprehur kundër Ruçit si kryetar Kuvendi, të njëjtën gjë dhe LSI, në një prononcim për mediat, deputeti demokrat Edi Paloka ka zbuluar planin e PD për seancën e orës 18:00 ku do të votohet Gramoz Ruçi.

Sipas Palokës nëse Gramoz Ruçi do të bëhet me votat e PS-së, ashtu siç pritet të ndodh, Partia demokratike do t’i bashkohet protestës së të përndjekurve.

“Ne do të votojmë kundër Gramoz Ruçit për të gjitha ato arsye që i kemi thënë deri më sot. Nëse do të bëhet kryetar me votat e socialistëve, siç pritet të ndodhë, ne do t’i bashkohemi protestës së të përndjekurve”.