Ballina Kryesore “Shoku nga Librazhdi”, Salianji publikon të tjera përgjime të Alizotit

“Shoku nga Librazhdi”, Salianji publikon të tjera përgjime të Alizotit

Partia Demokratike publikoi sot të tjera përgjime nga Prokuroria e Përgjithshme, sesi sipas saj Taulant Balla, Ardi Veliu, Fatmir Xhafaj dhe Edi Rama krijuan dëshmitarin e rremë, Fredi Alizoti.

Në një deklaratë për mediat, Salianji bëri publike një bisedë të Alizotit, të bërë tre ditë para se të dilte publikisht si personi që kishte imituar Agron Xhafaj.

Salianji: Citoj: Më është afruar një gjë e mirë nga ana tjetër. Më poshtë Alizoti bën pohimin shkatërrues. Në përgjimin tjetër ai thotë se më mirë bëj një vit burg e të marr ato që më janë afruar sesa të rri kështu. Pra në çdo rast ai provon se është dëshmi e rreme. Po kështu, pas rekrutimit zyrtarisht të Alizotit, Veliu thotë: Çfarë lidhje ke ti me këto punë, kur nuk ke lidhje? Këto prova janë mjaft për ta arrestuar Ardi Veliun.