Ballina Kryesore “S’largohem nga detyra, vendimi i Arta Markut është i paligjshëm”, “rebelohet” kryeprokurori...

“S’largohem nga detyra, vendimi i Arta Markut është i paligjshëm”, “rebelohet” kryeprokurori i Elbasanit

Pas vendimit të Kryeprokurores së Përkohshme, Arta Marku për shkarkimin e Kryeprokurorit të Elbasanit, ka ardhur reagimi nga ky i fundit.

Në  një konferencë për mediat, Kryeprokurori i Elbasanit, Dritan Gina deklaroi se refuzon vendimin për t’u larguar nga detyra, duke arsyetuar se ky vendim është i paligjshëm dhe i nxitur nga qarqe të caktuara politike.

“Largimi im është pa asnjë tagër dhe bazë ligjore. Marku nuk ka të drejtë të largojë drejtuesit. Vendimi mund të ndryshohet vetëm nga Këshilli i Prokurorisë, i cili ende nuk është mbledhur. Vendimi i kryeprokurores është i paligjshëm, dhe lëvizja ime nga detyra është e nxitur nga qarqe të caktuara politike”, u shpreh Gina.

LEXO EDHE:  LAJM I FUNDIT/ Ambasadori Donald Lu, takim me Prokuroren e përkohshme Arta Marku

Ai nuk la pa përmendur edhe ngjarje kryesore kriminale të ndodhura në Elbasan gjatë muajve të fundit, për të cilat tha se kryeprokurorja nuk ka bërë asnjë mbledhje për të kërkuar analizë në lidhje me punën e tij.

Për të marrë lajmet e fundit të “DuaLajm.com”, ndiq edhe faqen tonë në Facebook