Ballina Kryesore Turku bëhet shqiptar! Realizon ëndrrën e jetës, merr pasaportën shqiptare në moshën...

Turku bëhet shqiptar! Realizon ëndrrën e jetës, merr pasaportën shqiptare në moshën 90-vjeçare

Kjo është historia eFikret Tevfik Oktay, qytetar turk nga Ankaraja por me origjinë shqiptare nga babai i vet, i cili ishte ushtarak madhor në ushtrinë e perandorisë otomane e më pas në ushtrinë e Ataturkut me të cilin kishin miqësi personale.

Për shkak të luftërave të zhvilluara në rajonin e Ballkanit e më pas atyre botërore ishinshkëputur totalisht lidhjet me Shqipërinë.

Më pas vetëizolimi i Shqipërisë, i bëri të pamundura komunikimet me botën e jashtme.

Për vite me radhë familja e Oktayt dhe të afërmit e tyre në Shqipëri të cilët janë familja e ish-deputetit Flamur Çelaj, nuk e harruan kurrë lidhjen familjare.

Shprehja gjaku nuk humbet rezulton të jetë e vërtetë dhe falë përpjekjeve të jashtëzakonshme nga të 2 anët, familja u ribashkua pas shumë viteve.

Kërkimet mes dy familjeve zgjatën vite të të tëra deri sa u gjetën.

Pavarësisht moshës, dëshira e 90-vjecarit për të pasur pashaportën shqiptare ishte një nga ëndrrat më të mëdha në jetën e tij .

Ai dëshironte që pjesën tjetër të viteve jetë që i kanë mbetur t’i jetojë si shqiptar. Pas marrjes së pasaportës shqiptare, familja Çelaj organizoi një festë tradicionale me motive shqiptare.

Tevfik është 90 vjeç dhe pasaportën e mori për atdhedashuri duke u dhënë kështu një leksion patriotizmi të gjithë shqiptarëve.