Ballina Kryesore Vasili zbulon se si do të votojë LSI për Qeverinë “Rama 2”...

Vasili zbulon se si do të votojë LSI për Qeverinë “Rama 2” dhe Gramoz Ruçin si kryetar Kuvendi

Kur ka ngelur dhe një ditë para seancës së parë të sesionit të ri parlamentar ku pritet votimi i qeverisë “Rama 2” dhe kryetari i Kuvendit, Gramoz Ruçi, LSI ka marrë vendimin se si do të votojë.

Në një prononcim për mediat, kryetari i Grupit Parlamentar të LSI-së, Petrit Vasili u shpreh se LSI do të votojë kundër Gramoz Ruçit si kryetar Kuvendi po ashtu dhe për qeverinë “Rama 2”.

“Vota jonë do të jetë kundër Ruçit si Kryetar i Parlamentit. Nuk e votojmë qeverinë “Rama 2”. Qeverinë “Rama 2” nuk e kanë votuar 80% e shqiptarëve” deklaroi Vasili.

Ndërsa ende nuk dihet qëndrimi i Partisë Demokratike, e cila sot në orën 18:00 do të mbledhë grupin parlamentar ku do të vendosin në lidhje me votimin pro ose kundër për qeverinë “Rama 2” dhe Gramoz Ruçin si kryetar të Kuvendit të Shqipërisë.