Ballina Kryesore VIDEO/ Vasili nuk ndal sulmet ndaj Ramës: Kryeministri kërkon ta gremisë Shqipërinë,...

VIDEO/ Vasili nuk ndal sulmet ndaj Ramës: Kryeministri kërkon ta gremisë Shqipërinë, ja prova me zë e figurë

Kreu i Grupit Parlamentar të LSI-së, Petrit Vasili ka vijuar me akuzat në drejtim të qeverisë dhe kryeministrit Rama.

Me anë të një postimi në “Facebook”, Vasili shkruan se Rama e urren integrimin europian të Shqipërisë dhe sipas tij kreu i qeverisë “do ta gremisë Shqipërinë në Lindje drejt realitetesh që ajo nuk i ka dashur kurrë”.

Postimi i plotë
Ja prova me zë e figurë që Kryeministri urren integrimin në BE. Kryeministri e urren integrimin europian të Shqipërisë.
Një pjesë e medias dhe analistëve të kapur nga droga e kryeministrit nuk e pasqyrojnë dhe komentojnë dëshminë e këtij hapi të tmerrshëm të kryeministrit në Bruksel kundra të ardhmes europiane të vendit.
Ai do që ta gremisë Shqipërinë në Lindje drejt realitetesh, që ajo nuk i ka dashur kurrë.
Po jua vë në dispozicion ta dëgjoni vetë me zë dhe me figurë këtë kryeministër të paskrupullt, që flet, qan e qurrepset se gjoja e dashka shumë integrimin.
Pas kësaj deshmie çdo shqiptar duhet ta përbuzë këtë kryeministër mashtrues dhe hipokrit, që për ca miliona të pista e të nxira, që dalin nga kanale të fëlliqura, e shet Shqipërinë pa u menduar dy herë.
Shiheni dhe reflektoni.

Për të marrë lajmet e fundit të “DuaLajm.com”, ndiq edhe faqen tonë në Facebook