Ballina Kryesore Zbulohet emri i 39-vjeçares që humbi jetën në maternitetin “Mbretëresha Geraldinë” në...

Zbulohet emri i 39-vjeçares që humbi jetën në maternitetin “Mbretëresha Geraldinë” në Tiranë

“Dualajm.com” ka mësuar se 39-vjeçarja që humbi jetën në spitalin gjinekologjik “Mbretëresha Geraldinë” në Tiranë dy ditë më parë, quhet Ëngjëllushe Stafa.

Sipas burimeve të “Dualajm.com” gruaja banonte në Qytetin Studenti në Tiranë dhe prej kohësh vuante nga një problem në mitër, për të cilin ishte e nevojshme ndërhyrja kirurgjikale.

Sipas të dhënave paraprake 39-vjeçarja nuk ia ka dalë mbanë operacionit për shkak se ka ndërruar jetë si pasojë e problemeve me zemrën.

Policia referoi materialet në Prokurori sot pasi mjekët nuk kishin njoftuar për vdekjen e saj dhe iu kishin lejuar familjarëve të merrnin trupin e pajetë pa iu nënshtruar ekspertizës mjeko-ligjore.