Ballina Aktualitet Zbulohet skema e mashtrimit, arrestohet ndërtuesi në Tiranë (Emri)

Zbulohet skema e mashtrimit, arrestohet ndërtuesi në Tiranë (Emri)

Një ndërtues në Tiranë ka rënë në pranga, pasi akuzohet se ka shitur një apartament dy herë.

Burime zyrtare nga Policia e Tiranës bëjnë me dije se bëhet me fjalë për shtetasin Besnik Allmuça.

Gjithashtu po proçedohet në gjendje të lirë administratorja dhe ekonomistja e firmës së ndërtimit.

Njoftimi i Policisë
Finalizohet nga Seksioni për Krimin Ekonomik dhe Financiar, operacioni policor i koduar “Banesa 2”.
Iu shet të njëjtin apartament dy personave të ndryshëm.

Ndalohet ndërtuesi për mashtrim si dhe procedohen në gjëndje të lirë Administratoria dhe Ekonomistia e firmës së ndërtimit.

Seksioni për Hetimin e Krimit Ekonomik dhe Financiar në Drejtorinë Vendore të Policisë Tiranë më datë 08.06.2018, në kuadër të operacionit policor të koduar “Banesa 2”, ndaluan shtetasin:
– B.A. 57 vjeç, banues në Tiranë (me profesion ndërtues dhe aktivitet privat në fushën e ndërtimit)
Arrestimi i këtij shtetasi u bë, pasi shtetasi G. Sh., ka kallëzuar se është mashtruar nga shtetasi B.A. për blerjen e një apartamenti me sipërfaqe 65 m2, me leje zhvillimore Nr.224, datë 16.06.2010, në vlerën 30 000 Euro, apartament të cilin ndërtuesi B.A. më datë 17.03.2018 ia ka rishitur shtetasit B. I., duke përfituar një shumë 35 milionë lekë.

Gjithashtu u proceduan në gjëndje të lirë shtetaset:
– A. A., 57 vjeçe, banuese në Tiranë (me detyrë Administratore e firmës së Ndërtimit)
– G. Ç., 35 vjeçe, banuese në Tiranë (me detyrë Ekonomiste e Firmës së Ndërtimit)
Materialet iu referuan Prokurorisë së Rrethit Gjyqësorë Tiranë në ngarkim të shtetasve të lartpërmendur për veprat penale “ Mashtrim në shuma të mëdha”, “Falsifikimi i vulave, stampave ose Formularëve” dhe “Fshehje e të ardhurave”, parashikuar nga nenet 143/2, 189 dhe 190 të Kodit Penal.

LEXO EDHE:  Dibranët dhe korçarët më “punëtorët”, kush janë më “dembelët”

Për të marrë lajmet e fundit të “DuaLajm.com”, ndiq edhe faqen tonë në Facebook