Ballina Kuriozitet Deputetët të “etur” për porno

Deputetët të “etur” për porno

Faqet pornografike klikohen aq shumë në parlamentin britanik, sa ky fenomen po merr përmasat e një skandali.

Sipas hulumtimit të disa gazetarëve të Press Association, në 6 muajt e fundit të vitit të kaluar në kompjuterët e ndërtesës së parlamentit britanik, faqet porno janë kërkuar mbi 24 mijë herë.

Bëhet fjalë për 160 kërkesa në ditë për të parë video dhe foto brenda parlamentit. Shtatorin e vitit të kaluar, kërkesa për pornografi arriti kulmin. Janë regjistruar rreth 9500 përpjekje për të parë faqe të tilla, në të dyja dhomat e parlamentit, si në atë të Lordëve po ashtu edhe në atë të ulët.

Ky zbulim vjen ndërsa vijon skandali ish zv/kryeministrit Damian Green, i cili u detyrua të japë dorëheqjen në dhjetor. Ai u zbulua se mbante materiale pornografike në vitin 2008 kur ishte deputet, fakt të cilin ai e kishte mohuar.

Gjithsesi numri i kërkimeve për pornografi ka rënë në gjysmën e dytë të 2017-ës, krahasuar me vitin pararendës kur u regjistruan mbi 110 mijë tentativa, e në 2015-ën kur kjo shifër arrinte në 213 mijë.

Gjithsesi autoritetet mbrohen me faktin se shifrat nuk i përkasin vetëm deputetëve, pasi në ambientet e parlamentit ka edhe WI FI të lirë për vizitorët.

Për të marrë lajmet e fundit të “DuaLajm.com”, ndiq edhe faqen tonë në Facebook