Mali i Zi dhe Shqipëria janë renditur nga Komisioni Europian me borchin publik më të lartë në rajon për vitin 2018.

Raporti periodik për zhvillimet ekonomike në vendet e zgjerimit të lëshuar kohët e fundit. Sipas të dhënave të Komisionit Europian duket një rënie mbresëlënëse e borxhit publik në Serbi e cila pritet të arrijë në 56.4 për qind në fund të vitit 2018 nga më shumë se 86 për qind në vitin 2014.

Sebia kryesonte rajonin për nivelin më të lartë të borxhit publik tashmë pozicionohet e treta, teksa Shqipëria dhe Mali i Zi kryesojnë renditjen. Mali i Zi pret të mbyllë vitin me një borxh sa 70 për qind e PBB-së.

Borxhi i Malit të Zi është rritur ndjeshëm vitet e fundit për shkak të angazhimeve që kanë marrë autoritetet atje për të ndërtuar një autostradë që i lidh me Serbinë me një vlerë rreth 900 milionë euro financime kineze. Ndërkohë borxhi Shqipërisë vijon të jetë joelastik ndaj zhvillimeve pozitive makroekonomike.

Ekonomia e Shqipërisë u rrit me ritmet më të në rajon me mbi 4% të PBB në fund të 9-mujorit, buxheti ka performuar me suficit primar, teksa borxhi publik është “gozhduar” rreth 70%. Pas shifrës zyrtare me 69.9% të PBB-së në të cilën pritet të mbyllet borxhi publik më 2019, realiteti mbi borxhin publik mbetet i trishtë për shkak të detyrimeve të prapambetura të paazhurnuara në borxh ishin 24 miliardë lekë ose sa 1.5% e PBB.

LEXO EDHE:  "Taste Atlas": Ja për çfarë ushqimi është e njohur Shqipëria tek të huajt

Në vendet e tjera të rajonit borxhi publik është në kufirin 60%, të cilin FMN e konsideron shqetësues. Maqedonia pret ta mbyllë vitin 2018 me një borxh sa 42.2% të PBB-së, Bosnja me 35%.

Turqia dhe Kosova paraqitet me borxhin më të ulët në raport me PBB. Edhe pse Turqia u përball me një krizë e cila zhvlerësoi lirën turke gatoi me një të tretën ndaj euros dhe dollarit për pak kohë, borxhi i vendit u rrit me vetëm 2% të PBB-së gjatë 2018.

Ndërsa Kosova, duke qenë se është një shtet i ri, ka ende shumë hapësirë për të konsumuar borxhin publik i cili në fund të vitit 2017 ishte 16.6% e PBB-së./Monitor