Në autostradën Fier-Lushnjë ka marrë flakë një automjet. Ngjarja ka ndodhur rreth orës 09:25, në Vajkan.

Mjeti tip ‘Benz’ , dyshohet se shkak i zjarrit është bërë një shkëndi elektrike në motorin e makinës. Fatmirësisht nga flakët nuk ka pasur persona të lënduar.

“Në datën 05.01.2019, rreth orës 09:25, në rrugën Fier-Lushnje, në Vajkan, mjeti tip “Benz” me drejtues shtetasin A.Z, në ecje e sipër ka marë flakë. Paraprakisht dyshohet për difekt në pjesën e motorrit. Në vendin e ngjarjes u dërgua zjarrfikësja dhe shërbimet e policisë. Grupi hetimor po punon për zbardhjen e shkakut të zjarrit”, thuhet në njoftimin e policisë.