Testi që shkencëtarët e zhvilluan me “automat ushqimi”, nxori në pah se sorrat janë më inteligjente në mesin e zogjve.

Sipas lajmit në ‘BB’C, në një eksperiment të zhvilluar mbi shpendët e egër në një qendër mbrojtëse në Kaledoninë e Re, disa sorra zgjodhën se si punon “automati i ushqimit”.

Hulumtuesit vëzhguan se si sorrat, pas njëfarë kohe, letrën e vendosur para tyre e kanë futur në vendin e parave të automatit dhe kanë arritur sukses të marrin ushqim.

Sarah Jelbert nga Universiteti Cambridge, tregoi se si e kanë zhvilluar eksperimentin.

“Përgatitëm një automat ushqimi në formë të kutisë për sorrat. Mbi kutinë vendosëm gurë dhe letra në të cilat fshehëm copë mishi. Më pas i mësuam sorrat që gurët dhe letrat t’i hedhin në një vrimë mbi automatin. Kështu mundeshin të marrin ushqim nga automati. Pasi që sorrat e zgjodhën se si punon sistemi e bëmë më të vështirë testin dhe vendosëm letra më të mëdha që nuk hyjnë në vrimë”, tregon ajo.

Jelber tha se sorrat kanë copëtuar letrat me sqepat e tyre dhe kanë arritur të mundësojnë  që automati të punojë dhe më pas kanë marrë ushqim nga automati.

Theksohet se gjysma e sorrave kanë qenë të afta të zgjedhin mekanizma të ndërlikuar.

Gjithashtu është bërë e ditur, se ky test është më i ri dhe më i avancuar, me të cilën është dëshmuar se sorrat janë lloji më inteligjent i shpendëve.

LEXO EDHE:  "Katastrofë", teksa sheh që popullsia e zogjve bie në mënyrë drastike si pasojë e pesticideve

Hulumtimi u publikua në revistën “Nature Scientific Reports”.

Për të marrë lajmet e fundit të “DuaLajm.com”, ndiq edhe faqen tonë në Facebook