Temperaturat e larta e kanë dërguar njeriun në vendin e vetëm ku mund të gjejë qetsinë dhe relaksin nga vapa. Ky vend është deti i cili është nga mënyrat më të mira për tu freskuar dhe për ti bërë ballë gjithçkaje që vera na ofron.

Ajo çfarë ne duhet të dimë është se në det nuk duhet të shkojmë veç për të mirën e freskisë por edhe për të marrë gjithë vlerat e dobishme dhe të jashtëzakonshme që uji i kripur na ofron. Më poshtë do tu njohim me efektet më të mira që uji i detit sjell për ju.

Përforcim të organizmit

Uji i detit pastron lëkurën dhe rrugët e frymëmarrjes, forcon mekanizmat mbrojtës, u bën masazh muskujve dhe u kthen fortësinë. Njëkohësisht uji ndikon pozitivisht për hundën dhe fytin. Gjatë qëndrimit në det ekspertët këshillojnë që çdo ditë të ndani së paku 20 minuta për shëtitje përgjatë bregut të detit, sipas mundësisë në orët e hershme të mëngjesit apo para perëndimit të diellit. Në ajrin që thithni, gjenden grimca të vogla të ujit të detit, të cilat pastrojnë rrugët e frymëmarrjes, transmeton Gazeta Shneta.

Mos bëni dush menjëherë pas plazhit

Nëse keni fat që pushimet t’i kaloni në një vend të vogël apo periferik në bregdet, ku uji dhe ajri nuk janë të ndotur, pasi që të dilni nga uji, mos vraponi menjëherë të shkoni nën dush me ujë të ëmbël. Prisni që të thaheni në diell: kripërat minerale nga uji i detit dezinfektojnë, pastrojnë dhe forcojnë lëkurën tuaj, ndërkaq puçrat dhe aknet pas disa ditësh do të zhduken.

LEXO EDHE:  Ja disa receta të shëndetshme me përmbajtje orizi!

Ushtrimet në ujë

Është interesante që një ushtrim në det ka të njëjtin efekt sa 12 stërvitje në çdo vend jashtë ujit. Uji i detit ndikon në të njëjtën mënyrë si të jeni në palestër, sepse krijon rezistencë dhe angazhon maksimalisht muskujt. Nëse dëshironi që të eliminoni celulitin, notimi për çdo ditë apo ecja në ujë të thellë deri te gjoksi, së paku 40 minuta (20 minuta në mëngjes dhe 20 minuta në mbrëmje), do të ishte ideale.