Ballina OP-ED Akuza e rëndë e LSI-së: Ja skema e Policisë së Shtetit për...

Akuza e rëndë e LSI-së: Ja skema e Policisë së Shtetit për të prishur zgjedhjet në Gjirokastër

Lëvizja Socialiste për Integrim ka denoncuar skemat e Policisë së Shtetit për të prishur zgjedhjet në Gjirokastër.

Nëpërmjet një njoftimi, Zyra e LSI bën me dije se policia e shtetit tmerroi banorët duke ndaluar makina të mbështetësve të LSI-së me planin për të vendosur drogë në makinat e tyre.

“Mbrëmjen e djeshme, pak orë përpara nisjes së heshtjes zgjedhore të subjekteve politike, në Dropull, Gjirokastër, të shtyrë nga bashkëshorti i kandidates së PS Artemisa Dralo, Policia e shtetit tmerroi banorët dhe ndaloi makina të përkrahësve të LSI me planin për të vendosur drogë në makinat e tyre.Pas këtij skandali Deputeti i Gjirokastrës Vangjel Tavo komunikoi menjëherë me Drejtorin e Përgjithshëm të Policisë Haki Çako dhe i kërkoi të merren të gjitha masat për ruajtjen e rendit dhe mos-përfshirjen e oficerëve të policisë në inskenime të tilla të rënda në dëm të procesit zgjedhor”, thuhet në deklaratën për media të LSI. Sipas burimeve tejet të sigurta nga Brenda policisë së shtetit vjen informacioni që vëllai i Arben Isaraj, Zv/Ministrit të Drejtësisë, Altin Isaraj, një person me të shkuar kriminale dhe i arrestuar jashtë vendit për trafik droge, i shoqëruar me katër persona të tjerë të armatosur po nisen nga Vlora drejtë Gjirokastrës për të terrorizuar votuesit dhe për të intimiduar banorët”, – deklarohet në njoftimin e LSI.

LSI thekson se në të gjithë këtë skenar ku përfshirja e policisë është e plotë dhe në shërbim të krimit, Policia e Gjirokastrës pret të zbatojë një skemë tjetër intimidimi, terrori dhe presioni.

“Kjo skemë përfshin arrestimin e 4 apo 5 personave të lidhur me LSI, të cilëve do i ngrihet një kurth i rremë për blerje votash. E gjithë policia e shtetit duket se është tejet e investuar për t’i shërbyer krimit dhe tjetërsimit të rezultatit të zgjedhjeve në qarkun e Gjirokastrës”, thuhet në njoftimin e LSI.

LEXO EDHE:  Pse e kërcënon Edi Rama, Bashkimin Evropian? Flet gazetarja e huaj