Ballina OP-ED Inxhinierët e “FB” ndërtojnë një rrjet artificial nervor të ngjashëm me trurin...

Inxhinierët e “FB” ndërtojnë një rrjet artificial nervor të ngjashëm me trurin e njeriut, ja për çfarë shërben

Inxhinierët e Facebook-ut kanë zhvilluar një rrjet artificial nervor të ngjashëm me trurin e njeriut dhe tani gjiganti i medias sociale postimet e përdoruesve do ti përkthejë 9 herë më shpejtë dhe më saktë.

Me “inteligjencën artificiale” që ka zhvilluar Facebook-u tani do të përkthejë 9 herë më shpejt.

Gjiganti i medias sociale përmes një komunikate njofton se kompania për momentin shërbimin e përkthimit e ofron në 45 gjuhë të ndryshme dhe falë teknologjisë së inteligjencës artificiale që është zhvilluar rishtas përkthimi i postimeve të përdoruesve në gjuhë të ndryshme do të jetë më i saktë dhe 9 herë më i shpejtë.

Duke përdorur kodin kompjuterik inxhinierët e Facebook-ut kanë zhvilluar një rrjet artificial nervor të ngjashëm me trurin e njeriut, njofton kompania.

Teknologjia e re ka ndryshuar metodën e përkthimit, në vend të përkthimit të fjalëve veçmas ndërmjet gjuhëve të ndryshme është fokusuar në grupet e fjalëve duke kuptuar domethënien e tyre.

Komunikata thekson se komunikimi midis gjuhëve dhe përkthimi i saktë është i rëndësishëm në aspektin e vendosjes së lidhjeve ndërmjet njerëzve në mbarë botën dhe se teknologjia e re do t’u mundësojë përdoruesve të Facebook-ut ti postojnë mesazhet dhe videot e tyre në cilën gjuhë që ata dëshirojnë