Ballina OP-ED Ish-këshilltari i Nanos “shpërthen” kundër “rekomanduesve” të Llallës: A janë gjallë apo...

Ish-këshilltari i Nanos “shpërthen” kundër “rekomanduesve” të Llallës: A janë gjallë apo flenë këta?

Ish-këshilltari i Fatos Nanos, Ylli Dylgjeri ka reaguar pasi ish-kryeprokurorit të Përgjithshëm, Adriatik Llalla iu ndalua hyrja në SHBA, si dhe i shpëtoi vettingut pas vendimit të KPK-së për të ndërprerë procesin e rivlerësimit për të.

Përmes një postimi në faqen e tij në “Facebook”, Dylgjeri i drejtohet “rekomanduesve” të Llallës të reagojnë

Nga Ylli Dylgjeri
Në postet e larta drejtuese, kur merr një detyrë publike, është dikush që të merr përsipër apo lëshon një garanci për njohje në punë të përbashkët. Ky veprim është njëherësh edhe një vlersim për të punësuarin, për të siguruar kandidat të kalibrit të lartë për vëndin e punës.

Në Administratën Publike Shqiptare, dikur, bashkë me dokumentacion aplikues, bashkohej dhe rekomandimet që garantonin personalitetin e të punësuarit. Rekomanduesit jepnin garancinë si njohës në punë të përbashkët. “Noterizonin” vlerat morale të të rekomanduarit. Kështu, Unë edhe sot i kujtoj rekomanduesit e mij në vite.

Janë publicistë e gazetarë. Janë gjallë e serisht punojnë me nder në detyra publike. Nuk kam dëgjuar sot që as rekomanduesit e mij, të kenë çeduar në etikë apo të kenë shkarje në abuzim, e për më shumë në korrupsion. Rasti i fundit, i ish Prokurorit Llalla, është shumë i rëndë. Sekretari Amerikan i Shtetit, së fundi, ka firmuar që ky Autoritet garant i drejtësisë së një vendi mik të mos pranohet familjarisht të shkelë në SHBA si person i padëshirueshëm.

Kjo është e rëndë…
Ndaj sot më vjen natyrshëm pyetja: Kush është rekomanduesi i Adriatik Llallës në detyrën e Prokurorit të Përgjithshëm? A janë gjallë?
A janë persona publikë? A akuzohen për korrupsion? A janë objekt i Vettingut? A flenë gjumë natën? A vazhdojnë të bëjnë pordhë?

Ka shumë pyetje që do i rreshtoja sot kur kam përpara një turp si Adriatik Llalla, që ka pasur në dorë qetësinë e jetës dhe të ardhmen e vëndit tim. Po të ndiqen rekomanduesit e Llallës dhe të bulmetrave të tjerë që kanë zënë vende në Administratën Publike do ti bjerë që çdo javë zoti Tillerson të firmosë nga një të padëshirueshëm për në SHBA. A nuk deklaroi dje Kryetari i KLSH-së se po të bëjmë një llogari, i bie që ky institucion ka kallxuar e paditur për çdo javë një punonjës në Prokurori! Ky është bilanci sot.
Atëherë, kush është Rekomanduesi i Llallës?

Për të marrë lajmet e fundit të “DuaLajm.com”, ndiq edhe faqen tonë në Facebook