Ballina Kryesore “Kur ngopesh me lugë bosh…”

“Kur ngopesh me lugë bosh…”

Nga Ylli Manjani
Kur ngopesh me lugë bosh…
—————
Artur Zheji, në editorialin e tij me titull “Lufta politike, si ilaç për të luftuar depresionin ekonomik”, të para disa ditëve i ka rënë kokës!

Aq e vërtetë është kjo gjë sa ska më asnjë fjalë për ti shtuar.

Reforma, drejtësia, vettingu, KLGJ, KLP, KED, PPP, ONM, ambasadorët, SHIK, DASH, maxhoranca e opozita, Kushtetuta, gjykatat, marrëveshja politike e pesticide të tilla dominojnë fjalorin publik.

Asnjë fjalë e vetme për punesimin, taksat, investimet, tregjet, bankat, bisnesin, varferinë, projektet e zhvillimit!

Asnjë!

Në vend të tyre dëgjojmë: Kulla, koncensione, blerje të çuditshme pasurish, inceneratorë e shuma parash që qarkullojnë në pak duar.

Flitet edhe për tepsi, kazan e legenë. Flitet edhe për bukën falas të shtetarëve, por jo për ushqimin e popullsisë!

Ekonomia e vendit është në depresion! Pa asnjë dyshim.

Nuk lëviz asgjë! Asnjë projekt serioz prodhues, asnjë investitor i huaj, asnjë tregëtar cilësor.

Puna është bërë një gjë e pa gjetshme.

Shkolla nuk i hyn në punë askujt! Edhe ata që shkollohen jashtë e kthehen e kanë kot, se nuk i qas njeri!

Krizë dhe e thellë madje!

Shqiptarët ikin! Vetëm ikin, ku munden!

Depresion e shkuar depresionit. E kishte mbuluar disi hashashi këtë situatë, por tani që janë të detyruar ta mbyllin,nuk lëviz më asgjë!

Vetëm vriten e capalohen! Me silenciator ose me tritol, sipas sasisë së mllefit, vriten! Madje në zonën elektorale të Kryeministrit vriten më shumë!

Kjo është pasoja e ekonomisë së hashashit!

Fiks si në kohën e piramidave, kur filluan të bien!

Bankat nuk gjejnë thuasje asnjë projekt serioz për ta financuar. Kullat e larta nuk janë projekte serioze, përkundrazi të rrezikshme për tu financuar.

LEXO EDHE:  Zbulohen detaje të reja rreth dorëheqjes së Visho Ajazit, "nuk ka pasur asnjë presion por ka dashur të..."

Nuk ka ku bëhet me keq!

Ndaj qeveria ju hedh njerezve politikë e skandale! Vetëm lugë bosh kërcasin…

Dhe njerëzit …… i hanë!

Na bëftë mirë!

Për të marrë lajmet e fundit të “DuaLajm.com”, ndiq edhe faqen tonë në Facebook