Ballina OP-ED Lobimi rus, Zhupa i përgjigjet Spiropalit: Fushatë e qëllimshme për të mbuluar...

Lobimi rus, Zhupa i përgjigjet Spiropalit: Fushatë e qëllimshme për të mbuluar kokainën dhe lidhjet e saj me…

Pas deklaratave të Elisa Spiropalit në lidhje me lobimin e Bashës nga oligarkët rusë drejt Trump ka ardhur reagimi i zëdhënëses për shtyp të PD-së, Ina Zhupa.

Përmes një statusi të postuar në faqen e tij në “Facebook”, Zhupa e konsideron si qesharak pretendimin e PS-së, duke i akuzuar edhe për destabilitet.

Postimi i plotë
Shkrimi i publikuar në Mother Jones, një media ekstremiste e majtë e njohur për qëndrimet e saj anti-Trump, është financuar nga Edi Rama me para të paligjshme.

Shkrimi është pjesë e një fushate të qëllimshme për të mbuluar kokainën dhe lidhjet e familjes Rama me të.

Akuzat me rusë të artikullit janë thellësisht qesharake, por për t’i bërë edhe më qesharake, sot ato i ripërcolli Elisa Spiropali.

Elisa, e cila nga puna në doganë duket se ka krijuar një njohje të veçantë për oligarkët, ka bërë sot një sallatë ruse me oligarkë dhe Kremlin.

Është shenjë e nivelit të turpshëm të korruptimit dhe inkriminimit të Partisë Socialiste fakti që ruajtësja e nderit në PS është bërë Elisa Spiropali. Por është akoma më e rëndë që një parti e tërë po angazhohet përherë e më shumë në mbrojtje të drogës dhe të krimit.

Edhe ky cikël akuzash të mercenarëve të paguar me paratë e kontrabandës dhe trafikut që kur Elisa ishte Drejtoreshë e Përgjithshme e Doganave, do të diskretitohen.

Ajo që mbetet është ajo që ka rëndësi – Saimir Tahiri si trafikant dhe familja Rama e përfshirë në tregtinë e kokainës.

Këta janë rreziku i destabilizimit të Shqipërisë.

Për të marrë lajmet e fundit të “DuaLajm.com”, ndiq edhe faqen tonë në Facebook