Ballina Politike KQZ llaston PD , shtyn edhe njëherë afatin e regjistrimit

KQZ llaston PD , shtyn edhe njëherë afatin e regjistrimit

Komisioni Qëndror i Zgjedhjeve ka shtyrë edhe njëherë afatin e dorëzimit të listës dhe regjistrimit të partive opozitare për zgjedhjet e 25 qershorit.

Sipas procedurës, pas paraqitjes së emrave KQZ vepron me verifikimin e vetëdeklarimeve, kusht ky i vendosur në ligjin për dekriminalizimin.

Deklarohet që për të administruar zgjedhjet e 25 qershorit do të angazhohen 40 mijë komisionerë dhe numërues.

“Në të tre nivelet e administratës zgjedhore të përkohshme, KZAZ, KQV, GNV, do të angazhohen rreth 40.000 shtetas, si komisionerë apo numërues. Duke marrë shkas nga disa shqetësime të shprehura nga komisionerët, trajnuesit dhe inspektorët rajonalë zgjedhor, pas ndryshimeve të fundit ligjore të miratuara nga Kuvendi i Shqipërisë, KQZ qartëson opinionin publik, veçanërisht administratën zgjedhore, se çdo lloj funksioni për administrimin zgjedhor nuk konsiderohet veprimtari për qëllime partiake.” – tha Hoxhaj.

Janë katër parti që kanë të drejtë të paraqesin komisionerë në qendrat e votimit si dhe në KZAZ, PS dhe LSI nga e majta dhe PD dhe PR nga e djathta.