Ballina Kryesore Kuvend/ Flet ish-ministri Panariti: Bujqësia ndodhet në rrezik, ka më pak fonde...

Kuvend/ Flet ish-ministri Panariti: Bujqësia ndodhet në rrezik, ka më pak fonde se Kosova e Maqedonia

Ish-ministri i bujqësisë Edmond Panariti, njëherësh edhe deputet i LSI, sot në foltoren e Kuvendit ka komentuar sipas tij programin e qeverisë “Rama 2” rreth sektorit që vetë ai ka drejtuar, atij të të bujqësisë.

Ai tha se kurrësesi nuk mund ta imagjinojë Ministrinë e Bujqësisë pa drejtoritë dhe u shpreh se tanimë ky institucion ndodhet në rrezik. Panariti gjithashtu tha se fondet e Bujqësisë duhet të shkojnë për investimet teksa bën humor dhe thotë se shpreson që buxheti i bujqësisë të kishte qenë lapsus.

“Nuk mund ta imagjinoj Ministrinë e Bujqësisë pa drejtoritë. Shkrirja e drejtorive, bujqësia është në rrezik. 70% e fondeve në Evropë shkon për bujqësinë. Ky sektor me pak ka dhënë shumë në fakt. Mendoj se buxheti për Bujqësinë duhet të ketë qenë një lapsus. Unë nuk kam qene kurrë që fondet e Bujqësisë të shkojnë për fonde sociale. Fondet e Bujqësisë duhet të shkojnë për investimet. Bujqësia ka më pak fonde se Kosova e Maqedonia. Fermeri duhet të bëjë vetëm prodhuesin zoti kryeministër. Në programin për Bujqësinë thuhet të përjashtohen taksat për inputet bujqësore, por kush janë këto inputet bujqësore? Problem nuk është prodhimi, por dërgimi në treg.”- u shpreh Panariti.