Ballina Politike Nishani mbron Bashën , ja çfarë thotë për median dhe politikanët

Nishani mbron Bashën , ja çfarë thotë për median dhe politikanët

Presidenti Republikës Bujar Nishani ka folur për zërin e amerikës duke theksuar se Shqipëria sipas tij është vendi i vetëm demokratik ku 90% e politikanëve dhe medive së bashku sulmojnë opozitën dhe kryetarin e saj.

Nishani shprehet për zërin e amerikës :

“Ky angazhim shumë i sofistikuar, edhe ditët e fundit, ndaj opozitës, kryesisht ndaj liderit të opozitës, zotit Basha krijon perceptimin, gati gati bindjen, që gjithçka është e instrumentalizuar politikisht ndaj opozitës dhe ndaj liderit të opozitës. Por, gjithsesi ajo që unë do të thoja ka të bëjë me faktin që për ne është shumë e rëndësishme që të ruajmë standartet dhe të kemi gjithmonë kurajon dhe gjithsecili në postin dhe në pozicionin që ka, ta kuptojë dhe ta ushtrojë mundësinë e tij si shërbyes si shërbëtor, jo si përfitues”.

Më pas ai është pyetur nga gazetarja edhe për marrveshjen që i dha zgjidhje krizës politike në Shqipëri dhe për takimin e dy liderve atij të shtetit dhe opozitës.

“Jam i bindur që nuk kanë qenë vendime të lehta për të dy, por liderët prandaj janë; për të marrë vendime të forta dhe të qarta, dhe jam i bindur që kjo frymë duhet të vijojë padyshim në sensin e ruajtjes dhe respektimit të interesave reciproke të secilit krah të politikës, të majtës dhe të djathtës, por kur vjen puna për çështje madhore që i shërbejnë interesave kombëtare dhe atyre të vendit, besoj se këto përgjegjësi duhen pasqyruar dhe reflektuar në sensin e kompromisit”.