Ballina Aktualitet Ministria Financave kap “mat” administratën: Marrin raporte mjekësore për angazhime në fushatë

Ministria Financave kap “mat” administratën: Marrin raporte mjekësore për angazhime në fushatë

SHPËRNDAJE

Një nga kushtet themelore te marrëveshjes Rama-Basha, është mospërfshirja në fushatë elektorale e administratës.

Teksa Shqipëria është në ditë të nxehta elektorale, zv.kryeministrja Ledina Mandija gjendet në krye të taskforcës dhe po monitoron në cdo moment të gjithë punonjësit e
administratës.

E gjitha kjo mbykëqyrje bëhet në koordinim të plotë me ministritë përkatëse e duket se së fundmi, Ministria e Financave e drejtuar nga ministrja teknike Helga Vukaj bën të ditur se mbi bazën e disa informacioneve të sigurta, një numër i madh i administratës fiskale po përdorin si mjet justifikues raportet mjeksore afatgjata, për tu angazhuar në fushatë elektorale.

“Veprime të tilla janë të papranueshme dhe të dënueshme ligjërisht.
Ministria i bën thirrje qytetarëve si dhe subjekteve tregtare që ti denoncojnë këto raste dhe garanton marrjen e masave të menjëhershme ndaj këtyre punonjësve. Ata janë të lutur që të na shkruajnë ose të na dërgojnë foto apo filmime në numrin 0676054545. (Whatsapp, Viber)”, u shpreh Ministria e Financave.

 

 

Comments

comments