Gjatë intervistës në emisionin “360 gradë”, ku ishte e ftuar kryetarja e LSI-së, Monika Kryemadhi ka komentuar protestën e 16 shkurtit.

Kryemadhi tha se po të donte opozita, do ta merrte godinën e kryeministrisë për 10 minuta dhe do t’ia hidhte surratit kryeministrit Rama.

“ Nuk ishte sinjal. Ishte agjendë shumë e qartë e opozitës. Mos të harrojmë që pjesëmarrja e protestuesve ishte e jashtëzakonshme. Mbi 20 herë janë hedhur lëndë helmuese ushtarake. Kjo gjë ndodhi në mënyrë permanente. Qëllimin protesta e arriti. E para, tregoi se shumica e shqiptarëve janë kundër Edi Ramës, jo se janë me Lulzim Bashën apo Monika Kryemadhit. Janë kundër Edi Ramës, kundër çmimeve të energjisë elektrike. Shqiptarët kanë të njëjtën rrogë sot por paguajnë më shtrenjtë. Opozita po të donte, brenda 10 minutave e merrte godinën e Kryeministrisë dhe ia hidhte surratit Edi Ramës”, u shpreh kryetarja e LSI-së.