Banorët e qytetit të Korçës dhe zonave përreth kanë protestuar sot në qendër të qytetit duke ngritur zërin për vështirësitë që po kalojnë qytetarët.

Një nga zonat më prodhuese në vend, fermerët korçarë janë të falimentuar, për shkak se gjendja ekonomike e popullsisë është gjithnjë e më në rrënim dhe nuk ka konsum. Për pasojë, ata thonë se janë të detyruar ti hedhin prodhimet bujqësore, ndërsa qeveria i ka lënë jashtë çdo skeme subvensionoi. Në mungesë të subvencioneve, mallrat e importit janë duke e falimentuar fermerin dhe biznesin shqiptar.

Qytetarët e Korçës i janë përgjigjur thirrjes së opozitës dhe po marshojnë drejt rrugëve të qytetit duke protestuar kundër qeverisë.

“Prodhimet po i hedhim. Nuk ka treg. Nuk kanë njerëzit lekë me ble.
Ndjehemi te braktisur nga Qeveria. Nuk mbajti asnjë premtim. Qeveria nuk na jep asnjë subvencion. Lekët e subvencioneve i marrin vetëm 2-3 njerëz të lidhur me pushtetarët. Në Shqipëri sot ska punë, ska mundësi për të ecur përpara po nuk njohe dikë, korrupsioni është bërë standard, shteti nuk kujdeset më për qytetarët e vet.

Njerëzit janë te papunë, po ikin te rinjtë. Qytetet dhe fshatrat po braktisen nga të rinjtë.
Kemi me pak lekë, nuk mbyllim dot muajin, çmimet janë rritur pas rritjes se taksave.
Po na helmojnë me TEC-in që duan të ndërtojnë.
Duhet te protestojmë ne Tiranë me 16 Shkurt. Te gjithë kundër Kryeministrit te varfërisë.”

LEXO EDHE:  Korçë/ Vodhën materialet e ndërtimit, pranga 3 punonjësve të TAP (Emrat)