Ballina Receta Brusketa me domate të ngrohta

Brusketa me domate të ngrohta

Nëse dëshironi të provoni diçka të shijshme dhe të thjeshtë njëkohësisht, janë pikërisht brusketat me domate të ngrohta ato që ju duhen.

Njihuni me përbërësit dhe me mënyrën e përgatitjes së tyre.

Përbërësit:
  • 2 e gjysmë gota domate qershi (të kuqe, portokalli)
  • 4 feta bukë (franceze)
  • 3 lugë çaji borzilok (i copëtuar)
  • 2 lugë qepë (e copëtuar)
  • 4 lugë çaji vaj ulliri
  • 1/4 lugë gjelle uthull balsamike
  • 1/8 lugë çaji piper i zi
  • 1 thelpi hudhër
  • hudhër (ose qepë të njomë)
  • pak vaj 
Përgatitja:
 
1. Në një enë kombinoni borzilokun dhe qepët e copëtuara, 2 lugë çaji vaj ulliri, uthullën balsamike, piperin e zi dhe hudhrën e copëtuar. Përziejini mirë dhe lërini mënjanë për rreth një orë.
 
2. Ndërkohë, në një tigan me pak vaj ulliri shtoni domatet e prera përgjysmë. Gatuajini për rreth 10 minuta dhe më pas largojini nga zjarri.
 
3. Në një tigan tjetër me pak vaj ulliri shtoni fetat e bukës dhe gatuajini nga të dyja anët derisa të jenë thekur mirë.
 
4. Renditini në një pjatë për servirje dhe shtoni mbi secilën prej tyre domatet e ngrohta. Në fund, spërkatini me përzierjen e përgatitur më parë dhe sipas dëshirës me një hudhër ose qepë të njomë.
 
5. Janë gati për t’u servirur.
 
Për të marrë lajmet e fundit të “DuaLajm.com”, ndiq edhe faqen tonë në Facebook